Alhamdulillah hari sabtu, 18 april 2009 patang ko, kami disiko tampil di acara rome international festival di Downtown Rome, GA.
Awalnyo kami sempat ragu waktu di tawarkan untuak tampil di acarako. sabananyo acaranyo ndak formal bana do, tapi kami kurang persiapan. waktu kami talampau sampik dek karano banyak tugas ditambah lo kini lah mendekati ujian, jadi sekitar 5 hari nan lalu kami kecekkan ka panitia kalau kami mungkin ndak bisa tampil. eh,..kironyo jadwal lah sudah. panitia arok bana lo kami bisa tampil. yoo...tapaso kami atur jadwal untuak latihan. sampai sampai ambo nginap di asrama si nugroho hari jumat patang dek kami latihan jumat sore jo sabtu pagi. pas nginap di asrama si nugroho, indak bisa lo ambo lalok dek karano kawannyo dikamar. jadi tapaso lah kami nongkrong se di student center sampai tangah malam. si nugroho lai laloknyo..kalau ambo bukak2 youtube se lai dari jam 11 malam sampai jam 4 pagi.
alhamdulillah, pengorbanan kami ndak sio sio, penampilan kami lai mandapek apresiasi dari penonton walaupun ado beberapa garakan nan salah atau kurang mantap. untuanglah penonton lai indak tau ha ha ha ha ha ha....
Alhamdulillah lo liak, tadi pagi kironyo kami masuak koran. halaman muko lo lai....jadi headline. potonyo ambo sadang mambantiang si nugroho, tu si putra pasaang kudo2. padiah bana ko a.
ok lah sanak kasadonyo.....lah malam pulo hari disko. bisuak ka kuliah jam 11 siang. ado kuis jo dr. sundblad.....
Wassalam
